Blog da Biblioteca "Mestre Agrelo"

30 DE XANEIRO: DÍA DA PAZ

ceipricardotobio — Sun, 29 Jan 2012 23:07:22 +0000

Co moitivo da celebración do día da Paz, o equipo de biblioteca seleccionamos un conxunto de libros que vos poden interesar e que están relacionados con esta temática: convivencia, paz, solidaridade…

Aquí vos deixamos a descrición dalgún deles, pero podedes atopar moitos máis no expositor da Biblioteca.

BAILAR NAS NUBES

ceipricardotobio — Sun, 29 Jan 2012 23:02:15 +0000

“Todas as mañás saía da miña casa para ver as nubes. O meu soño era bailar con elas algún día. A miña nai dicía que me esquecese diso, que só os paxaros eran quen de tocalas…”

A través do soño dunha nena que desexa bailar coas nubes, este libro reflexiona sobre a importancia do intercambio cultural e do respecto entre persoas de diferentes procedencias. As súas páxinas, nas que se aprecia unha presenza constante do folklore latinoamericano, contan a historia dun pobo que vai crecendo co paso do tempo, con novos habitantes que constrúen fogares e comparten experiencias colectivamente.

Texto e ilustracións: VANINA STARKOFF

Tradución: MANUELA RODRÍGUEZ

A HISTORIA DE ERIKA

ceipricardotobio — Sun, 29 Jan 2012 22:55:04 +0000

“Nacín en 1944. Non sei o día. Non sei que nome me puxeron. No sei en que cidade nin en que país vin ao mundo. Tampouco sei se tiven irmáns. O que sei é que cando a penas contaba cuns meses salváronme do Holocausto…”

Así comeza a historia estremecedora e impactante a de Erika, unha muller marcada polo seu pasado. A súa memoria imborrable é a dunha supervivente do maior xenocidio cometido no século XX. Con este libro KALANDRAKA agarda concienciar aos novos lectores de que nunca máis se repita tal traxedia e con el conmemorou tamén os 60 anos da liberación do campo de exterminio de Auschwitz.

EL SUEÑO DE PICASSO

ceipricardotobio — Sun, 29 Jan 2012 22:39:19 +0000

Cando era un neno, Pablo pintou dúas palomas brancas. Un día percatouse de que faltaba unha, botara a voar. Desde ese momento Pablo recorre o mundo debuxando e pintando mentres busca a súa pomba.

Un libro cheo de sentimento que nos axuda a coñecer mellor ao pintor do Guernica.

AUTORA: Marta Rivera Ferrer

EDITORIAL: Brosquil

GUERNICA

ceipricardotobio — Sun, 29 Jan 2012 22:27:34 +0000

Tralo bombardeo de Guernica por avións alemans en abril de 1937, Pablo Picasso convirte o lenzo e os pinceis no seu medio de expresión contra a guerra, pintando de negro, gris e branco os seus efectos devastadores e os símbolos dun futuro esperanzador: a nai co seu fillo morto, o soldado, o caballo e o touro, a flor que nace da espada rota, …

Unha historia chea de arte e sentimento.

Texto: HELIANE BERNARD

Ilustracións: OLIVIER CHARPENTIER

Tradución: EMMA LÁZARE

LIBROS POLA PAZ: “O NACEMENTO DO DRAGÓN”

ceipricardotobio — Sun, 29 Jan 2012 22:15:11 +0000

Hai moito tempo, cando China estaba dividida en tribos, cada unha delas adoitaba elexir un espírito protector. Cada un deses espíritos tiña algo en común coa súa tribo: se ésta era de pescadores, o espírito era un peixe; se de xinetes, un cabalo; e os cultivadores de arroz elexiran o búfalo de auga que lles axudaba a cotío no seu labor. Pero, ademais de confiar nos espíritos para que as protexera, as tribos tamén loitaban entre sí no seu nome; e tanto pelexaban que os nenos, fartos da guerra, decidiron crear un espírito que representase a todas as tribos e as protexese a todas …Tomaron o corpo da serpe e pegáronlle as escamas do peixe. Colleron a cabeza do cabalo e puxéronlle os cornos do búfalo. Logo xuntaron a cabeza e o corpo, e engadíronlle as patas do paxaro […] e a aquel animal fabuloso chamáronlle dragón… Dende entón o dragón é para os chineses o símbolo da paz.

Historia, caligrafía e selos: WANG FEI
Textos: MARIE SELLIER
Ilustracións: CATHERINE LOUIS
Tradución: FERNANDO MOREIRAS

PREMIO INFANTIL DE CONTOS “MESTRE XOSÉ AGRELO”

ceipricardotobio — Sun, 22 Jan 2012 23:26:54 +0000

Coa ansia de fomentar a creatividade fabuladora dos nenos, a A.N.P.A. do C.E.I.P.”RICARDO TOBÍO” convoca dende o curso 2000/01 o premio infantil de contos
“Mestre Xosé Agrelo” facendo ao mesmo tempo un recoñecemento público do singular personaxe inesquecible neste colexio.
As BASES do concurso son as seguintes:

1.Poderán optar ao premio tódolos rapaces que cursen estudos no C.E.I.P.”Ricardo Tobío” de Esteiro e na E.E.I. de Tal de Abaixo, que presenten narracións inéditas e non premiadas con anterioridade, e escritas en galego.

2.Outorgaranse catro premios que se conformarán por cursos en catro categorías:
(A=Ed. Infantil; B=1º e 2º; C=3º e 4º; D=5º e 6º).

3.As obras serán de tema e extensión libres, presentaranse baixo un título e un pseudónimo, con un sobre pechado no que por fóra constará o título do conto e o pseudónimo, e que conteña no seu interior o nome e os apelidos do autor, o seu domicilio, e número de teléfono.

4.O prazo de recepción das obras rematará o día 16 de marzo do ano dous mil doce, e entregaranse na secretaría do Colexio.

5.O xurado estará presidido polo señor Director do C.E.I.P. “Ricardo Tobío” e formarán parte del a Presidenta da A.N.P.A., e tres persoas que designará a asociación. O xurado actuará en pleno, en sesión única, sendo necesaria a asistencia dos dous terzos dos seus membros.

6.O xurado valorará a orixinalidade literaria, a coherencia gramatical e a autonomía á hora de elaborar o conto por parte do alumnado. O xurado poderá declarar desertos un ou máis premios, se o considera oportuno.

7.A A.N.P.A. resérvase o dereito de publicación das obras entregadas, e os exemplares aportados ao concurso serán propiedade da Asociación.
8.A presentación das obras supón a aceptación destas bases por parte dos seus autores.

Desde o equipo de biblioteca querémoslles lembrar aos participantes que contarán co noso apoio e cos dos titores para revisar as obras escritas se fose precioso. Así que …animádevos e a escribir!!!

DECÁLOGO LECTOR

ceipricardotobio — Tue, 20 Dec 2011 21:49:57 +0000

Estes días distribuímos entre o alumnado uns marcapáxinas co “Decálogo Lector” elaborado no centro a partir das suxestións feitas polas familias, o curso pasado, sobre as dez mellores ideas para fomentar a lectura dentro do ámbito do fogar. Esperemos que tomedes boa nota!

A FOLLA SECA

ceipricardotobio — Tue, 20 Dec 2011 21:29:30 +0000

As sesións de contacontos no recreo comezan a ser un éxito. Desta vez foron varias axudantes da biblioteca de 6º e 5º curso as que quixeron contar unha historia ós máis pequenos. O conto lebaba por título “A folla seca”, e nel relatábase o que lle acontecía a Amara, unha pequena folla que coa chegada do outono tiña medo a soltarse da súa árbore e a deixarse caer.
Moitas grazas a Tamara, Lara, Irene, María, Antía e Alexandra por colaborar!
Á volta do Nadal teremos novas sesións de contacontos, xa que hai varios grupos de alumnnos e alumnas preparando máis historias para contar.

O CARACOL E A ROSEIRA

ceipricardotobio — Tue, 20 Dec 2011 21:05:38 +0000

Seguimos coas sesións de contacontos na biblioteca. Desta vez foi o profe Valentín o que leu o conto de “A caracol e a Roseira” de Hans Christian Andersen para o alumnado do segundo e terceiro ciclo.