LECTURAS RECOMENDADAS PARA O VERÁN

O verán é tempo para descansar ,disfrutar e, por suposto, para gozar da lectura!! Desde o equipo de biblioteca recomendamos unha serie de libros que nos pareceron interesantes. Aparecen recollidos no seguinte documento.

Diapositiva1Diapositiva2BOLETÍN DE LECTURAS PARA O VERÁN 2017

 

 

“ANA VALIENTE” 1º PREMIO DE CONTOS NUN CONCURSO A NIVEL ESTATAL.

No ano 2014, un alumno do noso centro, actual axudante de biblioteca, foi premiado nun concurso de contos a nivel estatal. Publicamos agora esta noticia xa que, esta semana, recibiu o seu premio e diploma correspondente, despois de estar varios anos extraviado nas oficinas de Correos.

Animamos a Manuel Senande Priegue a continuar escribindo, xa que as súas historias teñen moita calidade literaria e son moi creativas e orixinais.

Podedes velo no pdf que adxuntamos.

Anavalente

 

 

 

STOP MOTION EN 4º

O alumnado de 4º creou varios Stop Motion sobre a Idade Moderna. A continuación podedes disfrutar deles.

SEMANA ADICADA Á IDADE MODERNA E AO MUNDO DO MAR. VÍDEO- RESUMO

Unha das actividades máis importantes do proxecto anual no que están implicadas todas as aulas da escola foi a celebración dunha semana adicada á Idade Moderna e ao mundo do mar. Enlazamos aquí un vídeo no que se recollen imaxes da preparación desta semana e dos obradoiros que se realizaron durante a mesma. Grazas por tanta implicación!!!

 

 

 

*CONTACONTOS CON ANXO MOURE. 5 DE XUÑO. DIA MUNDIAL DO MEDIO AMBIENTE

O día 5 de Xuño conmemoramos o día Mundial do Medio ambiente, e que mellor xeito de facelo que con un contacontos de Anxo Moure, gran defensor da natureza. Estivo no noso colexio con un contacontos para o alumnado de 3º a 6º curso e outro para os máis pequenos, de infantil a 2º curso de primaria. Fixonos rir pero tamén axudou a concienciarnos da importancia do coidado dos nosos bosques. Rematamos o contacontos abrazando as árbores do noso patio e grazas a el levamos a música das árbores no noso corazón!

This slideshow requires JavaScript.

QUEN É GERENTE?

 

O 27 de Maio, o pobo de Esteiro fixo unha homenaxe a Ramiro García Núñez, máis coñecido como Gerente, pola sua enorme implicación e participación todos os anos no Gran Prix de Carrilanas, que este ano chega a sua edición número trinta!! O alumnado do colexio particiopou nun concurso de debuxo no que ademais de retratar a Gerente, tiñan que escribir o que sabían sobre el. Desde o equipo de biblioteca quixemos colaborar con esta homenaxe facendo un vídeo no que nenos e nenas da escola nos falaban desta persoa tan querida en Esteiro

CERTAME DE CONTOS MESTRE AGRELO

Un ano máis, a ANPA do CEIP Ricardo Tobío, en colaboración co profesorado do centro e o Equipo de Biblioteca, convocou o certame de contos Mestre Agrelo.

Estes foron os participantes

O gañador do ciclo de Educación Infantil foi Marcos González Figueiras co seu conto “Un can pastor en problemas”

Do primeiro e segundo curso de primaria a gañadora foi Leire Gallardo Olveira co seu conto “O ovo sorpresa”

Dos cursos de terceiro e cuarto de primaria o conto gañador foi “A nai natureza” escrito por Inés Romero León

Dos cursos de 5º e 6º a gañadora foi Sofía Cambeiro Regueira, autora do conto “Pabliño”

O equipo de axudantes de biblioteca fixo unha gran labor poñendo a voz para crear os videos de todos estes contos. Agradecémoslle moito a súa implicación.

Achegamos tamén algunha foto do acto de entrega de premios. Queremos dar a noraboa a todos os participantes e animalos a seguir escribindo así de ben!

Anterior Entradas máis antigas