OBRADOIRO DE RADIO CON LUÍS LOSADA

Hoxe, o equipo de axudantes de biblioteca, puido participar nun obradoiro de radio a cargo de Luís Losada, membro de Rede Espora, unha plataforma escolar que pretende crear unha potente rede de EScolas POla RAdio.

Neste obradoiro, 14 participantes recibiron unha explicación básica sobre os elementos que compoñen unha radio escolar e o funcionamento da mesma. Dentro deste grupo, 6 nenas formáronse como técnicas e manexaron elas mesmas o ordenador e a mesa de mesturas  para gravar tres programas de radio con temática poética que previamente estiveran preparando e hoxe remataron.

A emoción e os nervios estiveron presentes durante toda a xornada, a cal o alumnado calificou como fantástica.

Na nosa canle de Ivoox podedes escoitar os programas gravados neste obradoiro.

POEMAS ADICADOS

CAZA REFRÁNS

MULLERES GALEGAS E POETAS

 

Advertisements

13 DE FEBREIRO. DÍA MUNDIAL DA RADIO.

Hoxe, 13 de Febreiro, celébrase o día mundial da radio. Para conmemorar esta data, o noso centro participou nunha actividade conxunta proposta por Rede Espora. Esta consistiu na creación dun noticieiro colectivo, pero só de noticias felices e non de desgrazas ou  conflitos bélicos, como adoitamos escoitar nas radios.

Tedes máis información sobre esta actividade no seguinte enlace

http://espora.eu/dia-mundial-da-radio-2019-world-radio-day-2019/

E velaquí o audio no que podedes escoitar o noticieiro completo, no que participou Marta, alumna de 5º, dando a boa nova de que todos os nenos e nenas do mundo poden, por fin, asistir a escola e recibir unha educación de calidade.

 

RADIO NA BIBLIO

 

O curso pasado tivemos a posibilidade de participar no proxecto “Radio na Biblio” . Para iso foi preciso que o profesorado e alumnado se formase. Javier Prado, de Rede Espora, encargado de impartir esa formación, achéganos este video que resume o traballo feito nos diferentes centros nos que estivo.

Este ano agardamos seguir participando no proxecto para que poidades continuar escoitando Radio Laretas.

ROTEIRO POR ESTEIRO

Tres alumnas de sexto, Raquel, Desi e Lola, axudantes de biblioteca, estiveron hoxe en Radio Laretas, facendo promoción da vila de Esteiro. Falaronnos das súas paisaxes, gastronomía, e da súa principal festa, as Carrilanas. Se queredes escoitalas podedes facelo neste enlace

ROTEIRO POR ESTEIRO

Esteiro_Galicia

LARETANDO CON…AS COORDINADORAS DO SERVIZO DE MEDIACIÓN

Este curso, no centro, púxose en marcha un servizo de mediación, que pretende a mellora da convivencia no centro a través da resolución pacífica de conflictos.

Alba Carou de 5º e Noelia de 6º son mediadoras e tamén as coordinadoras deste servizo por parte do alumnado.

Hoxe estiveron en Radio Laretas respondendo a unhas preguntas que podedes escoitar neste enlace.

Grazas Noe e Alba!

ENTREVISTA ÁS COORDINADORAS DO SERVIZO DE MEDIACIÓN

 

LARETANDO CON… ÁLVARO (ESTEIRANA DE CARRILANAS)

A semana pasada tivemos no colexio a Álvaro, secretario da asociación “Esteirana de Carrilanas”, que organiza cada ano a festa máis importante de Esteiro.

Álvaro contounos a historia desta celebración e as novidades que incorpora esta edición.

Tamén fomos os primeiros en descubrir o cartel anunciador da baixada deste ano.

Aproveitamos a súa visita para facerlle unha entrevista para Radio Laretas, a radio da nosa Biblioteca.

Podedes escoitala neste enlace.

Grazas Álvaro!

LARETANDO CON… ÁLVARO (UN DOS ORGANIZADORES DA FESTA DAS CARRILANAS)

IMG-20180615-WA0050

NOTICIEIRO DO ALUMNADO DE INFANTIL

O alumnado de educación Infantil estivo hoxe en Radio Laretas gravando un noticieiro. Nel infórmannos de acontecementos relevantes que tiveron lugar no noso colexio e na contorna próxima.  Inclúe unha seccións de noticias do cole, culturais, de sociedade e de deportes. Agardamos que vos guste!!

NOTICIEIRO DO ALUMNADO DE INFANTIL

Anterior Entradas máis antigas