RESUMO DA SEMANA CULTURAL ADICADA Á IDADE CONTEMPORÁNEA.

Esta semana estivo cargadiña de actividades relacionadas co proxecto anual que estamos a desenvolver sobre a Idade Contemporánea. O alumnado participou en obradoiros de pintura, radio, cómic, xogos olímpicos, charlestón, e tamén puideron facerse fotos nun photocall moi espacial. O colexio engalanouse para tal ocasión con recunchos adicados aos medios de comunicación, a revolución  industrial,ao espazo, ao cómic, aos inventos, ás cidades, a arte,… Pudemos disfrutar tamén, grazas á colaboración das familias, dunha exposición de medios audiovisuais e tecnolóxicos antigos. Non faltou tampouco a festa final. Un guateque con música dos anos 60 e con petiscos tamén aportados polas familias.

Esta semana resultou un éxito grazas a implicación de toda a comunidade educativa: alumnado, profesorado, familias, persoal non docente,…

Deixámosvos un video que resume esta semana e tamén o enlace ao programa da TVG A Revista, que realizou dúas conexións en directo co noso centro.

http://www.crtvg.es/tvg/programas/a-revista

OBRADOIRO DE RADIO. RECUNCHO LITERARIO

Desbordante imaxinación ten o alumnado de cuarto, que participou no obradoiro de radio narrando historias que crearon na aula. Podedes escoitalas no seguinte enlace.

RECUNCHO LITERARIO

OBRADOIRO DE RADIO. ENTREVISTAS A PERSONAXES RELEVANTES DO MUNDO DO CINE.

Ademais da creación dun noticieiro, outra das actividades levadas a cabo no obradoiro de radio foi a realización de entrevistas a personaxes relevantes do mundo do cine, tales como Marilyn Monroe, Charles Chaplin, Penélope Cruz ou Alfred Hitchcock.

Podedes escoitalas nos seguintes enlaces.

ENTREVISTA A MARILYN MONROE

ENTREVISTA A CHARLES CHAPLIN

ENTREVISTA A PENÉLOPE CRUZ

ENTREVISTA ALFRED HITCHCOCK

OBRADOIRO DE RADIO. NOTICIEIRO

Moi, pero que moi productivo, resultou o obradoiro de Radio que o alumnado do Colexio Ricardo Tobío fixo hoxe con Laura Abel Asorey, mestra de inglés.

Este obradoiro enmarcase dentro das actividades que se están a levar a cabo no centro  con motivo da semana cultural adicada a idade contemporánea, temática do proxecto anual de este curso no que, ademais de moitos outros aspectos, se está abordando a evolución dos medios de comunicación

Unha das propostas deste obradoiro foi a creación dun noticieiro  no que o alumnado nos fala de noticias da escola, da contorna, deportivas, e incluso introducen publicidade.

Non deixeides de escoitalo, para iso só tedes que clicar neste enlace. Vaivos gustar!!!

NOTICIEIRO

 

OBRADOIRO DE PINTURA CON MONTSE PARÍS. ARTISTA MURADÁ.

Hoxe tivemos a gran sorte de ter no noso centro a Montse París, unha artista da vila de muros, que estivo impartindo uns obradoiros de pintura para o alumnado de infantil e primeiro ciclo de primaria.

Neste actividade, Montse faloulles aos nenos e nenas de mulleres pintoras actuais, moitas delas Galegas e algunhas tamén da vila de Muros. Observaron diferentes estilos de pintura. Mostroulles os seus útiles de traballo e finalmente visualizaron un dos seus cadros, que leva por título Sofía, que serviu de inspiración para que o alumnado se puxese a pintar.

Posteriormente, Montse permitiu que lle fixésemos unha entrevista para a nosa radio. Podedes escoitala no seguinte enlace.

ENTREVISTA A MONTSE PARÍS

Agradecemos enormemente a súa colaboración e agardamos poder contar con ela noutras ocasións.

bdr

bdr

bty

bty

bty

bty

bty

 

ESCOITANDO RADIO LARETAS

Nesta entrada gustaríanos informarvos de cómo podedes escoitar os programas de radio  que estamos a realizar na escola grazas ao proxecto Radio na Biblio.

Podedes suscribirvos ao noso programa a través do seguinte enlace

https://www.ivoox.com/s_p2_564038_1.html

Hay varias formas de facelo, dúas delas son a través dun correo electrónico ou descargando a aplicación para móbiles.

Agardamos que nos escoitedes.

 

DÍA DO LIBRO

O luns, 23 de Abril, celebrouse o día do libro. Para conmemorar esta data, coincidindo co acto de inauguración da nosa semana cultural, visionamos a curta “Los fantásticos libros voladores del Sr. Morris Lessmore”.

Tamén cantamos de maneira conxunta a canción de Migallas “O libro máxico”.

Finalmente, o alumnado axudante da biblioteca, dramatizou para o alumnado de infantil e primeiro ciclo de primaria o conto de “A casa da mosca chosca”.

INAUGURACIÓN DA SEMANA CULTURAL ADICADA Á IDADE CONTEMPORÁNEA.

Este luns, día 23, inauguramos a nosa semana cultural relacionada coa Idade Contemporánea. Como xa sabedes, tras varios anos paseando pola historia, o proxecto anual que estamos a desenvolver este ano no centro, xira en torno a este centro de interese: a época Contemporánea.

Todas as aulas investigaron temas relacionados con este período histórico: a revolución industrial, a conquista do espazo, os inventos, a evolución dos medios de comunicación, a literatura, a arte…

A este acto de inauguración asistiu a alcaldesa de Muros, María Xosé Alfonso, que adicou unhas palabras ao alumnado e ao profesorado animándoos a disfrutar desta semana.

Tamén se proxectou un video con imaxes que recolle parte do traballo feito, nos ultimos anos, no marco deste proxecto plurianuall con temática histórica.

Adxuntámolo a esta publicación para que poidades disfrutalo!

OBRADOIRO DE RADIO

Esta semana, parte do alumnado de cuarto, quinto e sexto de Primaria, entre os que se encontraban os axudantes de biblioteca, participaron nun obradoiro de radio da man de Javier Prado. Comezaron con varios xogos para traballar o emprego da voz e ser conscientes da importancia da locución na radio. Logo tiveron q enfrontarse a varios retos para, de xeito grupal, crear varios programas de radio seguindo unha escaleta e creando un guión. Un destes programas era de entrevistas sobre libros q leran recentemente. Outro consistiu na narración dun conto incluindo efectos sonoros. Por último, outro grupo preparou un programa sobre a contorna do concello. Dando a coñecer fermosos lugares, festas e tradicións de Esteiro.

Finalmente o alumnado fixo a gravación destes programas que estamos preparando para subir a nosa canle de Ivox. Pronto vos daremos as indicacións para acceder a nosa canle de podcast e así poder escoitalos.

bdr

bty